اسلام آباد۔ 28 نومبر (اے پی پی) وزارت قومی جان جوڑی پارینے کہ برجاسال انا آخیریکو قومی انسداد پولیو مہم نا آخیریکو ریسہ دوشنبے آن بناکرینے، مہم اٹی 4 کروڑ 43 لکھ 55 ہزار 341 چناتے وپولیو آن بچفنگ نا پڑی کُنفنگ نا ہدف مقرر کننگانے، مہم 3 دسمبر اسکان برجاسلک۔ سے شنبے نادے آ وزارت جان جوڑی آن جاری بیان نا رداٹ برجاسال انا آخیریکو قومی انسداد پولیو مہم نا آخیریکو فیز 27 نومبر آن 3دسمبر اسکان چلینگک۔ پولیو مہم نا اولیکو فیز 13 آن 17 نومبر آ قطبی وزیرستان اٹی مسنے۔ مہم نا ارٹ میکو فیز 20 آن 24 نومبر سویلی خیبرپختونخوا نا 6 ضلع غاتیٹی اڈ ہلکوسس۔ قومی انسداد پولیو مہم نا آخیریکو فیز مچ آ ملک اٹی برجاءِ۔ قومی انسداد پولیو مہم نا مسٹ میکو فیز 7 دے اٹی پورو مریک، مسٹ میکو فیز اٹی پنچ دے ئی پولیو مہم ، اِراکیچ اپ ڈیز ءُ۔ کیچ اپ ڈیز اٹی رہینگوک آ چناتا پولیو ویکسی نیشن ءِ کننگک۔ اوپارے کہ 4 کروڑ 43 لکھ 55 ہزار 341 چناقومی انسداد پولیو مہم نا ہدف ءُ ، پنجاب نا36، کے پی کے 36، بلوچستان 36، ضلع غاتیٹی پولیو مہم اڈ ہلیک، سندھ انا 30 ضلع، اسلام آباداٹی قومی انسداد ولیو مہم چلینگک، آزاد کشمیر 10، گلگت بلتستان 10 ضلع غاتیٹی قومی پولیو مہم مریک۔ اوپارے کہ پنجاب اٹی 2 کروڑ 25 لکھ 65 ہزار 65 چناتے پولیو پڑی کنفنگ انگ ءِ۔ سندھ اٹی 1 کروڑ 29 لکھ 5 ہزار 665 چناتا پولیو ویکسی نیشن مننگ ءِ۔ خیبرپختونخوا ٹی 74 لکھ 76 ہزار 456 چناتے پولیو پُڑی کنفنگ انگ ءِ۔ بلوچستان اٹی 25 لکھ 97 ہزار 735چناتا پولیو ویکسی نیشن مننگ ءِ۔ بنجائی دارالحکومت اٹی 421455چناتا پولیو ویکسی نیشن برجاءِ، آزاد کشمیر اٹی ہفت لکھ 20 ہزار 172 چناتا پولیو ویکسی نیشن مننگ ءِ۔
