اسلام آباد۔ 28 نومبر (اے پی پی) صدر مملکت ڈاکٹر عارف علوی نومبر اٹی شہید مروک آ پاک فوج انا ورناتا خاہوت تون ٹیل فون آ رابطہ کرسا ہڑزخواہی کرے۔ سے شنبےنادے آ ایوان صدر نا پریس ونگ انا رداٹ صدر مملکت ڈاکٹر عارف علوی غریوم، قطبی وزیرستان اٹی 20 نومبر آ شہید مروک آسپاہی شاہ زیب نا وارث آتون ٹیل فون آ رابطہ کرے۔ صدر مملکت نا 12 نومبر آ میر علی، قطبی وزیرستان اٹی شہید مروک آ سپاہی محمد سہیل نا وارث آتون فون آ گپ وتران کرے۔ صدر مملکت نا پسنی ، بلوچستان اٹی 3 نومبر آ شہید مروک آ لانس حوالدار باسط عمران نا خاہوت تون ہم گپ وتران کرے۔ صدر مملکت شہید آتا وطن کن خذمت و قربانی آ اوفتے خراج عقیدت پیش کرے، شہید و اوفتا خاہوت آتا جوزہ ءِ ایثار آ اوفتے سلام پیش کرے۔ صدر مملکت قوم انا کنڈآن شہید آتا خاہوت آتا منت واری ءِہرفے۔ صدر مملکت شہید آتیکن درجہ غاتا بڑزی کن ہم دعاکرے۔ صدر مملکت نا خاہوت آتون ہمدردی، ، صبر وجمیل نا دعاکرے۔
