اسلام آباد۔28نومبر (اے پی پی):ملک مستر ڈاکٹر عارف علوی ءَ نومبر ءَ شہید بوتگیں پاک فوج ءِ ورنا ہ آنی حانداناں گوں ٹیلیفون ءِ سرءَ گپ ء ُتران کتگء ُ گوں آیاں دلپدردی ءِ درشانی کتگ۔ سئے شمبے ءِ روچءَ ایوان صدر ءِ پریس ونگ ءِ ردءَ ملک مستر ڈاکٹر عارف علوی ءَ غریوم، شمالی ورزیرستان ءَ 20 نومبر ءَ شہید بوتگیں اُرد شاہ زیب ءِ حاندان ءَ گوں ٹیلیفون ءِ سرءَ گپء ُتران کتگ۔ ملک مسترءَ 12 نومبر ءَ میرعلی، شمالی وزیرستان ءَ شہید بوتگیں سپاہی محمد سہیل ءِ حاندان ءَ گوں فون ءِ سرءَ گپ ء ُتران کتگ۔ ملک مسترءَ پسنی، بلوچستان ءَ 3 نومبر ءَ شہید بوتگیں لانس حوالدار باسط عمران ءِ حاندانءَگوں ہم گپ ء ُتران کتگ۔ ملک مسترءَ شہید آناں پہ وطن ءِ ھاترءَ جان ندر کنگءَ دادء ُ سلام پیش کتگ۔ ملک مسترءَ راج ءِ نیمگءَ چہ شہیدآنی حاندانانی شکرء ُ منت گپتگ۔ ملک مستر ءَ شہید آنی درجگانی مزنی ءِ دعا کتگ۔ ملک مسترءَ حاندانانی گوما ہمدردی ءِدرشانی کتگء ُ سگء ُ اوپارءِدعا کتگ۔
