اسلام آباد۔28نومبر (اے پی پی):مسلم لیگ (ن) ءِ حال رسانکی بنجاہی سیکرٹری مریم اورنگزیب ءَ گشتگ کہ آیوکیں گچین کارانی ھاترءَ پارٹی ءِ گچین کاری منشور مدامی وڑءَ جامع، جوان ء ُ ملک ءِ جیڑہ ءُ جنجالاناں گیش ء ُ گیوار کنوک بیت۔ سئے شمبے ءِ روچ ءَ وتی بیان ءِ تہا آئی ءَ گشتگ کہ مسلم لیگ (ن) ءَ وتی دودء ِ ردءَ معاشی بحالی ء ُ وت واجہی ء ُ اُلسءَرا گران بہاہی ءَ چہ رکینگ ءِ ھاترءَ حاسیں دلگوشی کنگ بوہگءَ اِنت، منشورءِ جوڑ بوھگ گڈی آسرءَ سر اِنت۔ آئی ءَ گشتگ کہ تنا سوگند نہ بلکیں وتی دودء ُ راج دپترءِ ردءَ سوگند، منصوبہ ء ُ دیمروئی ءِ اہداف حاصل کنگءِ پلان ءَ دیئاں ۔ مسلم لیگ (ن) ءِ منشور درائیں تبک ء ُ زانتکارانی سرء ُ سوج ءِ ردءَ جوڑ کنگ بو ہگ ءَ اِنت۔ آئی ءَ گشتگ کہ منشورءِ تہا دری سیادی ءَ را گیش کنگ، امنء ُ ایمنی جوڑ کنگ ، راجی دیمپانی ءَ را محکم کنگ ء ُ منشور ءِ حاسیں نکات ہوار اَنت۔ آئی ءَ گشتگ کہ میڈیا، تامور، ٹی وی ، راج دپتر، دودءُ ربیدگ ، سئیل ء ُسواد ءِ گیش کنگءِ ھاترءَ پالیسی گائیڈ لائن منشورءَ ہوار بنت۔ موسمیاتی مٹء ُبدلی، گیش بوتگیں آباتیءَرا گرء ُ دار کنگ، جان ءُ سلامتی ء ُ وردنء ُ وراک ءِ رکینگءِ منشور ءِ نکات ہوار اَنت۔ آئی ءَ گشتگ کہ زالبول ء ُ زھگانی حکانی رکینگ ء ُ گیش کنگءِ ھاترءَ پالیسی گامگیج منشورءَ ہوار بنت، الحمداللہ، مسلم لیگ(ن)ءَ دائم ءَ سوگند پیلو کتگ اَنت، پدا ہم کناں، مریم اورنگزیب مدامی ءِ وڑءَ یک رندے پدا اُلسءِ زندگیاں ارزان کنت۔
