اسلام آباد۔28نومبر (اے پی پی): ملک مستر ڈاکٹر عارف علوی ءَ گوں جانء ُ سلامتی ءِ بنجاہی وزیر ڈاکٹر ندیم جانءَ گندء ُ نندکتگ۔ سئے شمبے ءِ روچءَ ایوان صدر ءِپریس ونگ ءَ چہ شنگ بوتگیں بیان ءِ ردءَ جان ءُ سلامتی ءِ وزیر ءَ ملک مسترءَ را جان ءُ سلامتی ءِ پڑءَ گامگیجانی ہوالگءَ سرپد کتگ۔ جانءُ سلامتی ءِ وزیر ڈاکٹر ندیم جانءَ ملک مسترءَ را حال داتگ کہ گلوبل ہیلتھ سکیورٹی ءِ ایجنڈان ءِ ردءَ پرائمری ہیلتھ کیئر سسٹم ءَ را محکم کنگءِ ھاترءَ گامگیج کنگ بوہگءَ اَنت، نیشنل ہیلتھ سپورٹ پروگرامءِ جوڑ بوہگءَ چہ جانءُ سلامتی ءِ پڑءَ جوانیں نتیجگ دیما کایاں۔ آئیءَ گشتگ کہ سرجمیں ملک ءَ چہ پنچ سد جانء ُ سلامتی ءِ بنجاہ آناں دو ماہ آنی تہا اپ گریڈ کنگ بنت، اے بنجاہی آناں جانء ُ سلامتی ءِ میاں اوستمانی ادارگانی کمک ءَ چہ اپ گریڈ کنگ بیت۔ ملک مستر ڈاکٹر عارف علوی ءَ جانء ُ سلامتی ءِ پڑءَ جانء ُ سلامتی ءِ ادارکی وزیرءِ وژن ء ُ کتگیں کاراناں ساڑاتگ۔
