ادارکی مزن وزیر انوارالحق  کاکڑ  ءُ بل اینڈ  میلنڈا  گیٹس  فاؤنڈیشن   ءِ   شریک چیئرمین  ءِ نیام ءَ ٹیلی فونک   رابطہ،  پاکستان ءَ گوں پولیو  ءِ ھلاسی  ءِ واستہ  جاڑیگیں    کوشست  آنی    ھوالگ ءَ  ھیال ریچی

ابوظہبی۔28نومبر  (اے پی پی): ادارکی  مزن وزیر انوارالحق  کاکڑ  ءَ  ملک ءَ را پولیو وائرس   ءَ چہ    رکھینگ  ءِ واستہ     جوانیں جزم ءِ  درشا ن  کتگ  ءُ گوشتگ کہ  حکومت   یک  جان سلامتیں  ءُ   رکھیتگیں  پاکستان  ءِ    واستہ  جزمیگ انت ءُ اے  کوشست  ءَ بل اینڈ  میلنڈا  گیٹس  فاؤنڈیشن    وڑیں   لائک ءِ    دل  یکیمیں   شریکدار      ءِ  سہرا  بوت کنت۔  سئے شمبے ءَ  مزن وزیر  کارگس  ءِ  میڈیا ونگ  ءِ  نیمگ ءَ جاڑی بوتگیں  بیان ءِ رد ءَ ادارکی   مزن وزیر انوارالحق  کاکڑ  ءَ بل اینڈ  میلنڈاس  گیٹس فاؤنڈیشن      بی ایم جی ایف ،   ءِ شریکدار  چیئرمین  بل  گیٹس   ءَ ٹیلی فون  کت   ایشی  ءَ پاکستان ءَ چہ   پولیو  ءِ ھلاسی ءِ واستہ جاڑیگیں   کوشست   ءُ دیمروئی   کار آنی  بابت ءَ ھیال ریچی   کنگ بوت۔  مزن وزیر   ءَ    ٹیلی فون  کال ءِ ساھت ءَ  مزن وزیر   ءُ  بل  گیٹس  ءَ  نیویارک  ءَ  یونائیٹڈ  نیشن    ءِ جنرل اسمبلی ءِ دیوان ءِ موہ ءَ   بوتگیں گند ءُ نند   آنی  بابت ءَ تران   مزن وزیر   ءَ پاکستان  ءَ را پولیو    ءَ چہ     رکھیتگیں    ملک ءِ جوڑ  کنگ ءِ   حکومت ءِ کوشست  ءَ     گیٹس  فاؤنڈیشن   ءِ کمک آناں ساڑات۔     آئی  ءَ  ملک ءَ پولیو  وائرس  ءَ چہ   رکھینگ    ءِ واستہ پاکستان ءِ    جوانیں    جزم    سہرا کنگ ءِ درشان  کت۔   اے رند ءَ  مزن وزیر   ءَ بل گیٹس  ءَ را  سرجمیں پاکستان   ءَ جاڑیگیں پولیو   ویکسینیشن   گامگیج آنی  بابت  ءَ سرپد  کت۔   آئی ءَ  گیش  تران  کنان ءَ گوشت کہ   وردن ءُ وراک  ءِ     ڈکال ءُ   جیڈھ  ءُ مات   ءُ زھگ آنی  جان سلامتی  ءِ   بن  گپ   آنی ھوالگ ءَ  تران  ھم کت۔    مزن وزیر  ءَ حکومت ءُ بی ایم  جی ایف  ءِ نیام ءَ  جوانیں کمک آنی  ھوالگ  ءَ دل  یکیمی ءِ درشان  کت۔