ابو ظہبی۔28نومبر (اے پی پی): ادارکی مزن وزیر انوار الحق کاکڑ ءَ ابوظہبی ءَ راجی ء ُ راجی دپتری دمگ وحت الکرامہ ءِ ترء ُتاب کتگ۔ وحت الکرامہ متحدہ عرب امارات ءِ ہما بامردمانی قربانی آنی یاتءَ جوڑ کنگ بوتگ کہ آیاں وتی ملک ءِ ازمتءَ وتی جان ندر کتگ اَنت۔ مزن وزیر کارگس ءِ میڈیا ونگ ءَ چہ شنگ بوتگیں بیان ءِ ردءَ متحدہ عرب امارات پریزیڈنٹ کورٹ ءَ شہید آنی حاندانی پڑءِ کارگس ءِ چیئرمین شیخ طیب بن محمد بن زید النہیان ءَ مزن وزیر ءَ را وش اَتک کتگ۔ مزن وزیرگارڈآف آنر ءِ پُرمڈائیں مراگشءَ ہوار بوتگ۔ ایشی ءَ پد مزن وزیر ءَ شہیدآنی یاتگیری ءِ سرءَ پُھلانی چادر پِرداتگ۔ اے یات گار متحدہ عرب امارات ءِ حکومت، اُلسء ُ بہادریں اُردانی نیام ءَ یکوئی ء ُ وت مہ وتی ءِ چیدگ ء ُ 31 پینل آنی سرءَ جوڑ اِنت۔ مزن وزیر ءَ وحت الکرامہ ءِ ترء ُتاب کتگ ء ُ کہ آئیءَ را یات گارءِ ہوالگءَ شونست ہم دیئگ بوتگ۔ ترء ُتاب ءِ گڈی ءَ مزن وزیرءَ مہمان آنی کتاب ءِ تہا وتی مارشت نبشتہ کتگ اَنت، کہ آیانی تہا متحدہ عرب امارات ءِ بہادریں شہیدآناں دادء ُ سلام پیش کتگ۔ وحت الکرامہ متحدہ عرب امارات ءِ بنجاہی حکومت ابوظہبی ءَ یک راجی ء ُ دود ء ُ ربیدگی نشان اِت، کہ متحدہ عرب اماراتءِ شہیدآنی بہادریں گامگیج ء ُ یواے ای ءِ دیمپانی کنگءَ آیانی قربانی آنی یاتءَ جوڑ کنگ بوتگ ۔
