ابوظہبی۔28نومبر (اے پی پی): ادارکی مزن وزیر انوارالحق کاکڑ ءَ ابوظہبی ءَ شیخ زید گرینڈ مسیت ءِ تر ءُ تاب کت ءُ ھداس مرزی شیخ زید بن سلطاسن النہیان ءِ کبر ءِ سر ءَ شت ءُ پاتیہ ونت ءُ آئی ءَ را توسیپ ءُ ستا پیش کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں ھال آنی رد ءَ مزن وزیر انوارالحق کاکڑ ءَ سئے شمبے ءِ روچ ءَ ابوظہبی ءَ شیخ زید گرینڈ مسیت ءِ تر ءُ تاب کت ءُ ھدا مرزی شیخ زید بن سلطان النہیان ءِ کبر ءِ سر ءَ شت ءُ پاتیہ وانی کت ءُ آئی ءَ را توسیپ ءُ ستا پی ش کت، ھدا مرزی شیخ زید ءِ بلدکاریں سروکی ءَ دگنیا ءِ جتا جتائیں راج آنی نیام ءَ یکوئی ءُ ایمنی ءِ رکھینگ وت مہ وتی کلچر ءَ را شرپ بکشاتگ۔ مزن وزیر ءَ گوشت کہ ھدا مرزی شیخ زید پاکستان ءِ سروک ءُ الس آنی گوما سک باز دوست ءُ ھمبل بوتگ۔ مزن وزیر ءَ گوشت کہ شیخ زید مسیت بنی آدم آنی وت مہ وتی یکوئی ءُ ایندگر دود ءُ ربیدگ آناں سہرا کنت۔ اے کلوہ متحدہ عرب امارات ءِ جوڑیشتکار آنی بے دروریں میراس ءَ چہ رسیت۔ شیخ زید گرینڈ مسیت نوکیں زمانگ ءِ اسلامی جوڑیشتگی ازم ءِ بے دروریں نمونگ ات ایشی ءَ 40000 ءَ چہ گیش نمازی آنی نندگ ءِ گنجاشک است انت۔ شیخ زید مسیت متحدہ عرب امارات ءِ درستاں چہ مستریں ءُ دگنیا ءِ سیمی ٹوھیں مسیت انت۔ مسیت ءِ تر ءُ تاب ءِ ساھت ءَ ادارکی مزن وزیر پنجاپ محسن نقوی ءُ متحدہ عرب امارات ءَ پاکستان ءِ سفیر فیصل نیاز ترمزی ھم مزن وزیر ءِ ھمبراہ اَت۔
