اسلام آباد۔ 27 نومبر (اے پی پی) اینٹی نارکوٹکس فورس (اے این ایف ) منشیات اسمگلنگ نا برخلاف مچ آ ملک کارروائی تیٹی 420 کلوگرام آن زیات منشیات دوئی کرسا 5 دوبہ دار ءِ دزگیرکرے۔ ترجمان اے این ایف نا رداٹ راولپنڈی ٹی واقع کوریئر آفس اٹی بحرین کن بک کروک آ پارسل آن 800 گرام آئس دوئی کننگا۔ بھارہ کہو، اسلام آباد اٹی دوبہ دار اسے آن 100 نشئی ءُ (ایکسٹیسی) گولی دوئی کننگا وخت اس کہ شیرشاہ ٹول پلازہ ملتان نا خڑک گاڈی اسے آن 24 کلوگرام چرس دوئی کرسا اِرا دوبہ دار ءِ دزگیرکننگا۔ سپرہائی وے کراچی آ گاڈی اسے آن 25 کلو200 گرام چرس دوئی کرسا دوبہ دار ءِ دزگیرکننگا۔ پی ڈی اے موٹروے پشاور نا خڑک گاڈی اسے نا اودیم خانہ غاتیان 15 کلو600 گرام چرس دوئی کرسا دوبہ دار ءِ دزگیرکننگا۔ داکان بیدس پنجگور نا علاقہ بونستان اٹی لاوارث گاڈی اسے آن 75 کلوآئس دوئی کننگا وخت اس کہ قلعہ عبداللہ ناعلاقہ حبیب زئی نا خڑک اُراسے آ چھاپہ ٹی 279 کلو200 گرام چرس دوئی کننگا، دوئی مروک منشیات آتے اسمگلنگ نا غرض اٹ کوڑی کننگاسس۔ دزگیر دوبہ دار نا برخلاف منشیات تور ایکٹ نا رداٹ مقدمہ درج کرسا مستی جاست وپاست نا بناءِ کننگانے۔
