اسلام آباد۔ 27 نومبر (اے پی پی) انسٹی ٹیوٹ آف سٹریٹجک سٹڈیز اسلام آباد (آئی ایس ایس آئی) ٹی ’’چاگڑدی بدلی و میڈیا نا کڑد‘‘ انا سرحال آ (پگہ) سے شنبے آ گول میز شرہ اس اڈ ہلیک۔ داوخت آ مسکوہی سیکرٹری خارجہ و ڈائریکٹر جنرل انسٹی ٹیوٹ آف سٹریٹجک سٹڈیز سہیل محمود، دفترخارجہ نا ترجمان ممتاز زہرہ بلوچ، ایگزیکٹیو ڈائریکٹر سول سوسائٹی کولیشن فار کلائمیٹ چینج عائشہ خان، آئی ایس ایس آئی نا بورڈآف گورنرز نا چیئرمین خالد محمود و ڈائریکٹر انسٹی ٹیوٹ آف سٹریٹجک سٹڈیز ڈاکٹر نیلم نگار تون اوار ایلو تران کارآک گپ وتران کیرہ۔ آئی ایس ایس آئی نا سینٹر فار سٹریٹجک پرسپیکٹیونا مہمانداری ٹی مروک آ شرہ نا مسخت 30 نومبر آن دبئی ٹی اڈ ہلوک آ کاپ 28 نا چرجوئی ٹی چندی سٹیک ہولڈر ز بشمول میڈیا پروفیشنلز، ماہرین ماحولیات، پریکٹیشنرز و سول سوسائٹی نا نمائندہ غاتے میڈیا و چاگڑدی بدلی نا نیام اٹ تعلق نا پس منظر اٹ یکجا کننگ ءِ۔ شرہ ٹی میڈیا نا گیشتر کڑد آ چکار کننگ آن بیدس گول میز نا بشخ ہلوک آک دا اہم امور تیاہم سجفرہ ہرا بروک آ کاپ 28 اٹی مون آ بننگ نا گمان ءِ۔
