لاہور۔ 27 نومبر (اے پی پی) لاہور ہائی کورٹ نا اِراباسکی بنچ چیئرمین پی ٹی آئی نا اُرائی بشریٰ بی بی نا مقدمہ غاتا سرجم حوال و انکوائری نا ریکارڈ نا فراوانی نا درخواست آ سماعت ءِ درخواست گزار نا وکیل نا ساڑی مفننگ نا سوب آن غیرمعینہ مد اسکان پدبٹے۔ لاہورہائی کورٹ نا جسٹس شہرام سرور چوہدری نا کماشی ٹی اِرا باسکی بنچ دوشنبے نادے آ درخواست آ بنائی سماعت نا بناءِ کرے تو عدالت ءِ پاننگاکہ درخواست گزار بشریٰ بی بی نا وکیل عدالت اٹ ساڑی اف ہراڑا اِرا باسکی بنچ درخواست آسماعت ءِ غیرمعینہ مد اسکان پدبٹے۔ دائر درخواست آ اول سرآن سماعت نا تاریخ اس مقرر کننگک۔ درخواست اٹی چیئرمین نیب، ڈی جی ایف آئی اے تون اوار ایلوفتے فریق کننگانے۔
