سکھر۔ 27 نومبر (اے پی پی) کٹیا غان زیات میرات جاٹ ریفرنس اٹی پیپلزپارٹی نا راہشون سید خورشید احمد شاہ و میرا عجاز خان جکھرانی احتساب عدالت سکھر اٹی پیش مسر، عدالت کیس انا مرکزی گواہ نا پیش مفننگ آ سماعت ءِ 9 جنوری اسکان پدبٹے۔ دوشنبے نادے آ سید خورشید احمد شاہ و پی پی پی لاڑکانہ ڈویژن نا صدر میر اعجاز حسین جکھرانی کٹیا غان زیات میرات جاٹ ریفرنس اٹی احتساب عدالت سکھر اٹی پیش مسر۔ عدالت نا جج ناصر الدین شاہ کیس انا سماعت ءِ کرے۔ ہڑتوم آ راہشون تا کیس اٹی پندار ایلو دوبہ دارآک ہم عدالت اٹ پیش مسر۔ میر اعجاز جکھرانی کیس انا مرکزی گواہ عدالت اٹ پیش مننگ کتو ہراڑآ عدالت گونڈءُ کارروائی اسے آن پد ریفرنس آتا سماعت ءِ 9 جنوری اسکان پدبٹینے۔
