اسلام آباد۔26 نومبر (اے پی پی) مچ آملک اٹی 5 دے ئی انسداد پولیو مہم پگہ دوشنبے آن بناکیک۔ خیبر پختونخوا ٹی مہم اٹی پنچ سال اسکان نا وئی نا 74 لکھ آن زیات چناتے پولیو آن بچفنگ نا پڑی کنفنگک۔ چناتے پڑی کُنفنگ کن 31 ہزار ٹیم جوڑ کننگانے۔ ہندا وڑ بلوچستان اٹی اُرااُراغا ہنسا ویکسی نیشن مہم کن یانزدہ ہزار آن زیات ٹیم جوڑ کننگانے تانکہ پنچ سال اسکان نا وئی نا 25 لکھ چناتے پولیوآن بچفنگ نا پڑی کنفنگ مرے۔ پولیو ایمرجنسی آپریشن سینٹر نا رداٹ کوئٹہ، پشین و قلعہ عبداللہ ٹی پڑی کنفنگ نا مہم جمعہ غان برجاءِ۔ ہندا وڑ صوبہ سندھ اٹی 80 ہزار آن زیات پولیو ورکرآتیا تالان ٹیم اُرااُراغا ہنسا صوبہ نا 30 ضلع غاتیٹی 5 سال اسکان نا وئی نا اسہ کروڑ آن زیات چناتے پولیو آن بچفنگ نا پڑی کنفرہ۔
