اسلام آباد۔ 26نومبر (اے پی پی) سعودی پریس اتاشی ڈاکٹر نائف العوتیبی پارینے کہ سعودی عرب وپاکستان نا نیام اٹ 25 نومبر 1951 آ سنگتی نا معاہدہ غا دستخط کننگا اونا مثبت و مون آ بروک اثرہڑتوم آملک آتیٹی پائیدار ایلمی نا شاہدی نا وڑاٹ مرتب مننگ ءِ۔ ہڑتوم آ ایلم ملک آتا نیام اٹ سفارتی تعلقداری ٹی دا اہم مزل نا 72 می سال دے انا وخت آ سعودی پریس اتاشی ڈاکٹر نائف العوتیبی تینا سوشل میڈیا اکاؤنٹ ایکس آ دااہم پیش رفت ءِ شیئرکرے۔ اے پی پی اتون اسہ خصوصی انٹرویواسے ٹی اوپارےکہ داتاریخی معاہدہ غا ہراڑا ہمووخت انا سعودی وزیرخارجہ شہزادہ فیصل بن عبدالعزیز و پاکستان نا وزیر عبدالستار ئسک دستخط کریسر، اسہ سوگو و دیرپا سیوت اسے نا بنداو ءِ تخار۔ اوپارے کہ سعودی عرب وپاکستان نا نیام اٹ تین پہ تینی شرف ، کمکاری و اسیجائی قدر آ تالان تعلقداری ءِ۔ اوپارے کہ دا متکن آ سنگتی نا مثبت اثر خاص وڑاٹ اقتصادی بشخ اٹی بھاز نمان ءُ انتئے کہ ہڑتوم آملک آک سودمند شریداری کرینو۔
