اسلام آباد۔24نومبر (اے پی پی):نگران وزیرِ اعظم انوار الحق کاکڑ ءَ گوشتگ کہ پاکستان ءُ سعودی عرب ءِ نیام ءَ تاریخی ءُ کوھنیں براتی ءُ یکوئی است انت ایش یکجائی دل یکیمی، شرپ ءُ ازت ءُ دود ءُ ربید ءِ بنیات ءَ برجا انت، سعودی عرب ءَ پاکستان ءِ ھمک سکیں وھد ءَ کمک کتگ۔ سعودی عرب ءَ کار کنوکیں پاکستان ءِ لس مردمی قوت ءِ سعودی حکومت ءِ نیمگ ءَ چہ چار ءُ گزار دروری انت۔ آدینگ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ ادارکی مزن وزیر انوارالحق کاکڑ ءَ گوں امام کعبہ شریف پروفیسر ڈاکٹر شیخ صالح بن عبداللہ بن حمید ءَ گند ءُ نند کت۔ گند ءُ نند ءَ ادارکی وزیر انیق احمد ، مدد علی سندھی، مزن وزیر ءِ نماھندگ ھاسیں مولانا طاہر اشرفی، سیادی داروکیں کارندہ ءُ سعودی عرب ءِ پاکستان ءَ سفیر نواف بن سعید المالکی ھم ساڑی ات۔
