کوئٹہ۔ 24 نومبر (اے پی پی) چیئرمین اسٹینڈنگ کمیٹی پیٹرولیم و ریسورسز و سیاسی و اقتصادی امور نا ماہر سینیٹر محمد عبدالقادر پارینے کہ پاکستان آئی ٹی برآمد آتا 10 ارب ڈالر ز سالانہ ہدف دوئی کننگ کن حکمت عملی اس تیار کرینے، وزارت انفارمیشن ٹیکنالوجی بروک آ مسہ سال اٹی پاکستان نا آئی ٹی برآمد آتا 10 ارب ڈالر سالانہ ہدف دوئی کننگ کن حکمت عملی نا بناءِ کننگ والا ءِ۔ داڑے جاری مروک اسہ بیان اسے ٹی سینیٹر محمد عبدالقادر پارے کہ نن کیہی اہم جہت آتا کمک اٹ 10 ارب ڈالر نا سالانہ برآمدی ہدف ءِ دوئی کننگ کن سنبرینگوک روڈ میپ نا پڑو ءِ کننگ کینہ ، پاکستان نا آئی ٹی نا ساڑی آ برآمد کم و ود 2 ٹک 6 ارب ڈالر ءِ ، برآمد آتا حکمت عملی اسہ بڑزکو درجہ نا جہانی سلابتی فرم اتون اواری اٹ پاکستان سافٹ ویئر ایکسپورٹ بورڈ (پی ایس ای بی ) کن تیار کننگانے۔ اوپارے کہ حکومت پے پال، سٹرایپ و رائز ءِ پاکستان آ بننگ و فری لانس کمیونٹی ءِ سروس فراوان کننگ آ راضی کننگ نا کوشست کننگ ءِ، حکومت فری لانسرآتے آئی ورکنگ سینٹر آتا جوڑ کننگ کن بے سود وام تننگ نا ڈٹ اس ہم جوڑ کننگ ءِ پاکستان بجاوڑاٹ انفارمیشن ٹیکنالوجی نا بشخ اٹی بے کچ شون ہلکنے پاکستان دا اعتبار اٹ اسہ نمان ہند اس دوئی کرینے ہندا سوب آن پیشن نا ملک پاکستانی تیکن بھلو کچ اسے آ وارخواہی ساڑی ءِ۔ چیئرمین قائمہ کمیٹی پارے کہ پاکستان انفارمیشن ٹیکنالوجی نا بشخ اٹی تدوک آ سال تیٹی دنیا نا شون ہلوک ملک آتا طرز آ شون ہلکنے ہندا سوب آن افریقہ ، دے ٹک نیامی، سینٹرل ایشا و مسلمان ملک آک دانا بھلا نمان مارکیٹ آک ءُ دے ٹکی افریقہ دا پڑاٹ پاکستان نا کنڈآ خصوصی وڑاٹ بروک خننگک داجوان ءُ موقع اسے کہ پاکستان دا پڑاٹ ساڑی تینا گیشتر ڈیمانڈ نا سوب آن فائدہ ہرفے و کثیر زرمبادلہ اس کٹیا کرسا جم مالی بھاریم ءِ کم کے۔
