وزارت و ڈویژن آتا یوٹیلیٹی خڑچ آتیٹی کمتی اتنگ کن پارت جاری کننگک، ڈاکٹر شمشاد اختر

اسلام آباد۔ 24 نومبر (اے پی پی) سینیٹ ءِ پاننگانے کہ چندی وزارت و ڈویژن یوٹیلیٹی بل آتا مد اٹی سالانہ 10 ارب روپئی خڑچ کیرہ، یوٹیلیٹی نا خڑچ آتیٹی کمتی اتنگ کن پرنسپل اکاؤنٹنگ آفیسر آتے پارت جاری کننگک۔ جمعہ نادے آ سینیٹ اٹی وقفہ سوج آتیٹی سینیٹ اٹی وقفہ سوج آتیٹی سینیٹر مشتاق احمد، رخسانہ زبیری نا سوج آتا ورندی ٹی نگران وزیرخزانہ ڈاکٹر شمشاد اختر ایوان ءِ پارے کہ یوٹیلیٹی بل آتا مد اٹی وزارت و ڈویژن آک سالانہ 10 ارب روپئی آن زیات خڑ چ کیرہ و دا خڑچ آک یقینی وڑٹ ودانو، ہر وزارت نا سیکرٹری ءِ مرے کہ بجلی ، گیس  و دِیر انا کھپت اٹی کمتی اتنگے، یوٹیلیٹی ٹی کمتی اتنگ کن پرنسپل اکاؤنٹنگ آفیسر آتے پارت جاری کننگک۔ اوپارے کہ قابل تجدید توانائی نا ڈٹ آتیان بجلی نا خڑچ اٹی کمتی اتنگ مریک۔