اسلام آباد۔ 24 نومبر (اے پی پی) نگران بنجائی وزیر خزانہ ڈاکٹر شمشاد اخترپارینے کہ ایم پی اسکیل پالیسی 1998 ٹی درستی راستی کرفنگاسس، داپالیسی آ چندی دورتیٹی نظرثانی کرسا کننگانے، ایم پی اسکیل نا رداٹ مشاہرہ ٹی 48 درسد نامنظوری ءِ وزیراعظم و کابینہ تسر۔ جمعہ نادے آ سینیٹ نا دیوان اٹی سینیٹر رضاربانی نا چکاری نوٹس نا ورندی ٹی نگران وزیرخزانہ ڈاکٹرشمشاد اختر پارے کہ سول سروس نا تربیت جتا انداز آن مریک ، ایم پی اسکیل پالیسی 1998ء ٹی درستی راستی کرفنگاسس، و ہرانا مسخت دائس کہ نجی بشخ اٹی گچین کارکڑد نا درشانی ءِ کروک آتے سرکاری بشخ اٹی اتنگے تانکہ سرکاری بشخ انا ہم کمک ءِ کے و اودے منافع بخش جوڑ کننگ اٹ کمک کے ، اوپارے کہ ایم پی اسکیل آ چندی دور تیٹی نظرثانی کرساکننگانے و ہراتم دافتیا نظرثانی کننگا اوہمووخت نا سیاسی سرکڑدہ غاتا منظوری آن مس آخیریکو وار جولائی 2017ٹی نظرثانی کننگاسس، ایم پی اسکیل اٹ 48 درسد ودکی وزیراعظم، کابینہ و اسٹیبلشمنٹ نا منظوری آن پد کننگا، داٹی ہاؤس رینٹ و یوٹیلیٹی بل ءِ ہم اوار کننگا۔
