اسلام آباد۔ 24 نومبر (اے پی پی) بلوچستان آن تعلق تخوک آ اسہ ڈل اس ہراٹی تعلیم، راجی بشخ، گوازی، فن و دودوربیدہ و صنعت کاری تون اوار چندی بشخ آتیان تعلق تخوک آ 50 باکمال ورناتا نمائندہ غاک اسلام آباد اٹی آئل اینڈ گیس ڈویلپمنٹ کمپنی لمیٹڈ(اوجی ڈی سی ایل ) نا ہیڈ آفس نا دورہ ءِ کرے۔ سینیٹ نا قائمہ کمیٹی مواصلات نا چیئرمین سینیٹر پرنس احمد عمر احمد زئی نا کماشی ٹی دادورہ نا مسخت بلوچستان نا ورنا و اوجی ڈی سی ایل نا نیام اٹ تعمیری ہیت وگپ و رابطہ غاتے مون آ دننگ ئس۔ سینیٹر پرنس احمد عمراحمد زئی اوجی ڈی سی ایل نا شاندار کاریم و شریداری نا ستاءِ کرساپارے کہ ’’نن اوجی ڈی سی ایل نا قابل ذکر کاریم و کمکاری آن بھاز زہمی مسونن۔ دادورہ نا مسخت بلوچستان نا ورناتا ڈل ءِ توانائی نا بشخ انا بارواٹی پین ہُننگ ، خیال آتا ہل و تس و بامعنی رابطہ غاتے مون آ دننگ نا موقع فراوان کننگ ئس۔ داوخت آ اوجی ڈی سی ایل نا چیئرمین ظفرمسعود ہم ساڑی ئسک۔
