اسلام آباد۔ 24 نومبر (اے پی پی) نیشنل ہائی ویز اینڈ موٹروے پولیس گوتلو نا شدت اٹی کمتی آن پد موٹروے ایم ون پشاور ان برہان اسکان ملانو۔ ترجمان موٹروے پولیس نا کنڈآن جمعہ نادے آ جاری بیان نارداٹ نن آ حدنگاہ ٹی کمتی نا سوب آن موٹروے ایم ون اول پشاور آن رشکئی اسکان و اوکان پد صوابی آن برہان اسکان بند کننگاسس ہرادے حالیت آتا گچین مننگ آ ملنگانے۔ ترجمان پارے کہ موٹروے بند کننگ نا مسخت شکست آتیان بچنگ و موٹروے ءِ کاریم اٹ اتوک آ تا جان و مال انا رکھ ءِ۔ شاری تیان خواست ءِ کہ گوتلو نا وخت آ بے گرج سفر آن پاناد کیر، تینا سفر ءِ دے انا روشنائی ٹی پورو کیر، گاڈی تیٹی فوگ لائٹ آتے کاریم اٹ اتیر و ترند رفتاری آن پاناد کیر، گوتلوٹی سفر کرسا مون نا گاڈی آن جوانی ءُ فاصلہ اس ہرڈے آن زیات تخرو سفر نا بناءِ کننگ آن مست موٹروے پولیس ہیلپ لائن 130 یا نیشنل ہائی ویز اینڈ موٹروے پولیس نا آفیشل سوشل میڈیا اکاؤنٹ آن تازہ آ معلومداری ضرور دوئی کیر تانکہ کسراٹی فریشانی آن بچنگ مرے۔
