اسلام آباد۔ 23 نومبر (اے پی پی) نگران بنجائی وزیر واپار ڈاکٹر گوہر اعجاز پارینے کہ برآمدی مشاورتی کونسل نا مہارت و راہشونی نا رداٹ نن تینا برآمدی ہدف آتے دوئی کرسا زرگزران ءِ نمان مون آ دننگ کینہ۔ راجی رابطہ نا ویب سائٹ ایکس آ تینا ٹویٹ اٹی اوپارے کہ برآمدی مشاورتی کونسل نا جوڑ کننگ نا بنداوی مسخت ملکی زرگزران نا چندی بشخ آتا برآمد آتیٹی ودکی کننگ ءِ۔ اوپارے کہ داکونسل برآمد آتا مون آ دننگ کن سلاہ و سوج پیش کیک و غیر ٹیکسٹائل برآمد آتے ودفنگ کن گام گیج سلاہ کیک۔ یات سلے کہ ایکسپورٹ ایڈوائزری کونسل (نان ٹیکسٹائل) نا چیئرمین نگران بنجائی وزیر واپار ڈاکٹر گوہر اعجاز ءِ و داکونسل اٹ پبلک و پرائیویٹ سیکٹر نا ممبرآتے اوار کننگانے۔
