کراچی۔ 23 نومبر (اے پی پی) بھارتی ایئرلائن انڈیگوائیر نا جدہ غان بھارت آ ہنوک آ جہاز اٹی اسہ زالبول مسافراسے نا طب خراب مننگ نا سوب آن جہاز ءِ جناح انٹرنیشنل ایئرپورٹ کراچی آ میڈیکل لینڈنگ نا موکل تننگا۔ پاکستان سول ایوی ایشن اتھارٹی نا ترجمان نا کنڈآن جاری بیان نا رداٹ جہاز سہب انا 4 بجہ ءُ 15 منٹ آ کراچی بالی پٹ آ لینڈ کرے۔ جدہ غان بھارت آ ہنوک آ جہاز اٹی سُوار بھارتی زالبول مسافر جوہرہ بی نا طبی معائنہ ءِ کننگا ولے او کہوک خننگا۔ جہاز زالبول نا میت ءِ ہرفسا 6بجہ ءُ 15 منٹ آ بھارت اٹ تینا مزل نا کنڈآ روانہ مس۔
