کوئٹہ۔ 23 نومبر (اے پی پی) چیئرمین اسٹینڈنگ کمیٹی پیٹرولیم و رسورسز و سیاسی و اقتصادی امور نا ماہر سینیٹر محمد عبدالقادر پارینے کہ اسرائیلی کابینہ مشروط جنگ بندی معاہدہ ءِ منظو رکرے بناٹی 50 اسرائیلی و 150 فلسطینی تے یلہ کننگک غزہ ٹی عارضی جنگ بندی و بندی تا ہل و تس انا منظوری ءِ تننگانے 5 دے ئی جنگ بندی و بندی تا ہل و تس بھلو اہم پیش رفت اسے۔ داڑے جاری مروک اسہ بیان اسے ٹی سینیٹر محمد عبدالقادر پارے کہ اسرائیلی وزیراعظم نیتن یاہو نا پاننگ ءِ کہ عارضی جنگ بندی نامعاہدہ جنگ انا ایسر اف جنگ برجاسلک ، اسرائیلی وزیراعظم نا دابیان آن پد ہم عارضی جنگ بندی نا ہیت اومیت افزاء ءِ یک و نیم تُو انا اسرائیلی بربریت اٹی فلسطین اٹ 12 ہزار آن زیات کودک فلسطینی شہید و 35 ہزار آن زیات بھاز ٹھپی مسنو غزہ نا گیشتر علاقہ ڈغارنا تہہ ٹی ہنانو 1.7 ملین آن زیات مخلوق بےاُرا مسنو۔ اوپارے کہ اسرائیل و حماس نا نیام اٹ 4 یا پنچ دے ئی جنگ بندی نا بدلہ ٹی حماس نا بندی آن 50 اسرائیلی و اسرائیلی بندی آن 150 فلسطینی شاری تے یلہ کننگک وخت اس کہ کمکی گڑاتا غزہ اسکان رسینگ ءِ ہم ممکن کننگک ، بناٹی 50 اسرائیلی زالبول آتے یلہ کننگک ، نصیرت کیمپ، خان یونس، جبالیہ کیمپ و ایلو علاقہ غاتیٹی اسرائیلی بمباری آن پین بھلو کچ اسے آ نسخان مسنے۔ چیئرمین قائمہ کمیٹی پارے کہ سویلی افریقہ نا پارلیمنٹ پریٹوریاٹی اسرائیلی سفارت خانہ ءِ بند کننگک و غزہ ٹی حماس تون جنگ بندی آ امنا مننگ اسکان غٹ سفارتی تعلقداری تےمعطل کننگ نا حق اٹی قرارداد منظور کرینے اسرائیلی وزیراعظم تینا کابینہ ءِ پارے کہ حماس تون کروک آ معاہدہ ٹی داہم اوار مریک کہ ریڈکراس نا ٹیم حماس نا بندی ٹی ساڑی ایلو اسرائیلی تتون اوڑدہی کیک و اوفتسکان طبی امداد نا فراوانی ءِ پک کننگک۔
