کوئٹہ۔ 23 نومبر (اے پی پی)پاکستان پیپلزپارٹی بلوچستان نا صوبائی ڈپٹی حوالکاری سیکرٹری ملک ذیشان حسین تینا جاری کروک بیان اٹی پارینے کہ بلاول بھٹو زرداری پاکستان پیپلزپارٹی (پی پی پی) نا چیئرمین ءِ، ہراپاکستان نا غٹ آن بھلا و بااثر سیاسی جماعت ءِ ۔ او مسکوہی وزیراعظم شہید بینظیر بھٹو و مسکوہی صدر پاکستان آصف علی زرداری نا مار ءِ۔ بلاول بھٹو زرداری اسہ ورنا و کرشماتی راہشون اسے ہراپاکستانی الس نا چکار ءِ دوئی کرینے۔ اودے اومیت و بدلی نا نشانی نا وڑاٹ ہُننگک، و بھاز انگا مخلوق ناخیال ءِ کہ او پاکستان ءِ اسہ روشنا آخبت اسے نا کنڈآدننگ نا لائخی تخک۔ بلاول بھٹو زرداری 21 ستمبر 1990آ کراچی، پاکستان اٹ ودی مس، اوتینا بنائی بچپن ءِ پاکستان و دبئی ٹی گدریفے، ہراڑے اونا خاہوت 1977نا فوجی بغاوت آن پد جلاوطن مس۔ بلاول 1993ٹی پاکستان آپدی بس۔ بلاول بھٹو زرداری کرائسٹ چرچ کالج آکسفورڈ اٹی تعلیم دوئی کرے ہراڑے او ہسٹری ٹی بیچلر آف آرٹس نا ڈگریءِ دوئی کرے۔ بلاول بھٹو زرداری چنک سنی ٹی سیاست نادنیا ٹی گام ءِ تخا۔ او 2008اٹی تینا لمہ بینظیر بھٹو نا شہید مننگ آن پد پاکستان پیپلزپارٹی نا چیئرمین جوڑ مس۔ بلاول بھٹو زرداری اِرا لس گچین کاری تا کمک اٹ پاکستان پیپلزپارٹی نا کماشی ءِ کرینے و او پاکستان اٹ جمہوریت و راجی انصاف کن اسہ اہم ءُ توار اسے نا وڑاٹ مون آ بسنے۔ ملک ذیشان حسین پارے کہ بلاول بھٹو زرداری تعلیم و ورناتے واکدار کننگ نا سوگو مخ تف ءِ۔ اونا خیال ءِ کہ تعلیم شونداری نا کنجی ءِ، و او غٹ پاکستانی چناتے آب اٹ تعلیم فراوان کننگ کن سنبرینگوک ءِ۔ بلاول بھٹو زرداری ورناتا حق انا ہم پبی مخ تف ءِ، و او پاکستانی حکومت آن ورناتا گرج آتے پورو کننگ کن پین کاریم کننگ نا خواست کرینے۔ بلاول بھٹو زرداری اسہ کرشماتی و متاثرکن راہشون اسے ہرا پاکستان نا سیاسی منظرنامہ ءِ بدل کننگ نالائخی تخک۔ اودے متکن وپوسکن نا نیام اٹ اسہ پول اسے نا وڑاٹ ہُننگک و او زند انا غٹ بشخ آتیان تعلق تخنگ نا قابل ءِ۔ بلاول بھٹو زرداری اسہ وژنری لیڈر اسے ہراڑتون پاکستان نا آخبت کن پیدوار لائحہ عمل اس ارے۔ اونا خیال ءِ کہ پاکستان اسہ شونہال و جمہوری ملک اس مننگ کیک و اودا وژن ءِ حقیقت اٹ کننگ کن کاریم کننگ کن سنبرینگوک ءِ۔ ملک ذیشان حسین مستی تینا بیان اٹی پارے کہ بلاول بھٹو زرداری وزیراعظم پاکستان کن گچین گچینکاری مننگ نا منہ سوب آک دادو۔ اوپاکستان ءِ مون تروک چیلنج آتا بارواٹی اسہ پوسکن ءُ تناظر اسے تون اسہ ورنا و پرجوش راہشون اسے۔ اوپاکستانی الس کن اومیت و بدلی نا نشانی ءِ۔ او تعلیم، ورناتے واکدار کننگ و راجی انصاف کن اسہ سوگو ءُ وکیل اسے۔ پاکستان نا آخبت کن اوڑتون پیدوار لائحہ عمل اسے۔ او اسہ کرشماتی و متاثر کن راہشون اسے ہرا ملک ءِ متحد کننگ کیک۔ بلاول بھٹو زرداری وزیراعظم پاکستان کن گچین گچین کاری ءِ انتئے کہ اوڑتون وژن، سرکڑدہ و پاکستان ءِ روشنا آخبت نا کنڈآ دننگ نا عزم ءِ۔
