اسلام آباد۔ 23 نومبر (اے پی پی) ٹیلی کام خذمت آتا برآمد آتیٹی اکتوبر اٹی سالانہ بنداوتیا 3 درسد نا نمو ریکارڈ کننگانے۔ اسٹیٹ بینک انا کنڈآن جاری کروک حساب وکتا ب نارداٹ اکتوبر اٹی ٹیلی کام خذمت آتابرآمد آتیان ملک ءِ 50.2 ملین ڈالر زرمبادلہ دوئی مس ہرا تدوک آ سال اکتوبر نا مقابلہ ٹی 3 درسد زیات ءُ۔ تدوک آ سال اکتوبر اٹی ٹیلی کام خذمت آتا برآمد آتیان 48.9 ملین ڈالر نا زرمبادلہ دوئی مسوسس۔ ستمبر نا مقابلہ ٹی اکتوبر اٹی ٹیلی کام خذمت آتا برآمد آتیٹی ماہانہ بنداوتیا 3 درسد نا نمو مس۔ اسٹیٹ بینک انا رداٹ برجامالی سال انا اولیکو 4 تُو اٹی خذمت آتا برآمد آتا جم کچ 170.8 ملین ڈالر ریکارڈ کننگا ہراتدوک آ مالی سال انا ہندا مد انا مقابلہ ٹی 3 درسد زیات ءُ۔ تدوک آ مالی سال انا ہندا مد اٹی ٹیلی کام خذمت آتا برآمد آتا جم کچ 165.68 ملین ڈالر ریکارڈ کننگاسس۔ برجامالی سال انا اولیکو 4 تُو اٹی کال سینٹرآتا خذمت آتا برآمد آتا کچ 75.6 ملین ڈالر و ٹیلی کام خذمت آتا برآمد آتا کچ 95 ملین ڈالر ریکارڈ کننگانے۔
