پشاور۔ 23 نومبر (اے پی پی) ضلع سویلی وزیرستان اٹی وانا نا علاقہ دژہ غونڈئی ٹی بمب دھماکہ ٹی قبائلی راہشون اسلم نوروزیر و اونا اِرا مار اتون اوار 4 بندغ زوال کریر۔ ضلعی پولیس آفیسر فرمان اللہ نا رداٹ قبائلی سردار اسلم نوروزیر رستم بازار آن تینا گاڈی ٹی اُراغا ہناک کہ دژہ غونڈئی نا ہند آ زور دار دھماکہ اس مس۔ دھماکہ ٹی سردار اسلم نوروزیر، اونا اِرامار و اسہ سنگت اس زوال کریر۔ دھماکہ ٹی 3 بندغ ٹھپی ہم مسر ہرافتے وانا ہسپتال آ گدریفنگا۔ سردار اسلم نوروزیر ءِ حکومت نا کنڈآن صدارتی ایوارڈ ہم تننگا۔
