بیجنگ۔ 23 نومبر (اے پی پی) اقوام متحدہ ٹی چین نا آخبتی مندوب جانگ جون پارینے کہ اونا ملک غزہ ٹی امن نا بحالی کن سخت کوشست کننگ اٹی ءِ۔ چینی خبررساں ادارہ نا رداٹ متحدہ عرب امارات و مالٹا نا درخواست آ اقوام متحدہ نا سلامتی کونسل نا چین نا کماشی ٹی غزہ نا پٹی نا حالیت آتا بارواٹی اسہ دیوان اسے ٹی مندوب جانگ جون پارے کہ اونا ملک امن نا بحالی کن سخت کوشست کننگ ءِ، جہانی برادری جنگ بندی نا مون آ دننگ کن دمدستی وڑاٹ تینا کوشست آتے ترند کے۔ اوپارے کہ چین لس شاری تا پورو رکھ انا خواست ، غزہ نا پٹی ٹی جہانی انسانی کانود نا پیدوار خلاف ورزی تا ترندی اٹ مذمت و اِراریاستی ایسری نا سیاسی گمان تے بحال کننگ کوشست آتا مخ تف ءِ۔ چینی مندوب پارے کہ ساڑی حالیت آتا اسہ ایسری اس ہم اِراریاستی ایسری تون منحروف مف و دا علاقائی امن و سوگوی کن سازگار مرے۔
