اسلام آباد۔ 22 نومبر (اے پی پی) نگراں بنجائی وزیر واپار ڈاکٹر گوہر اعجاز نا کماشی ٹی مروک آ شوگر ایڈوائزری بورڈ انا دیوان اٹی صارف آتا گیشتر فائدہ ٹی بورہ نا برآمد نا درخواست ءِ مسترد کرینے۔ وزارت واپار نا کنڈآن جاری اعلامیہ نا رداٹ نگران وزیر واپار و صنعت نا کماشی ٹی شوگر ایڈوائزری بورڈ انا دیوان اسلام آباد اٹی مس ہراٹی ملک اٹی بورہ نا نہاد آتے سوگو تخنگ کن بورہ نا برآمد نا بات پاکستان شوگرملز ایسوسی ایشن نا کنڈآن بورہ نا برآمد نا درخواست ءِ وزیر واپار نا کنڈآن مسترد کننگانے۔ دیوان اٹی بورہ نا صنعت ءِ مون تروک چیلنج آتون مون تننگ کن گپ وتران کننگا۔ بشخ ہلوک آتیٹی صنعت و واپار نا سیکرٹری، پاکستان شوگرملز ایسوسی ایشن، فیڈرل بورڈ آف ریونیو، و صوبائی انتظامیہ نا بڑزکو عہدیدار آک بشخ ہلکر۔ پاکستان شوگرملز ایسوسی ایشن دیوان اٹی کرشنگ سیزن نا بناو گنڈیری نا فصل انا حوالہ ءِ ترسا 500،000 ٹن اسکان بورہ نا برآمد کن موکل نا درخواست کرے ہرادے ڈاکٹر گوہر اعجاز صارف آتا گیشتر فائدہ ٹی مستردکرے۔ اوڑدہی ٹی پاکستان شوگرملز ایسوسی ایشن کیش فلو چیلنج تون مون تننگ کن سلاہ پیش کرے کہ ٹریڈنگ کارپوریشن آف پاکستان مارکیٹ ءِ سوگو کننگ کن ملرآتیان کم از کم 500،000 ٹن ہرفے۔ ڈاکٹر گوہراعجاز تینا ریمارکس اٹی بورہ نا برآمد نا بابت مستین نا پالیسی تیان اسہ کنڈ درآمد آتیا زور شاغا۔ اوپارے کہ داوخت آ پاکستان کن ہرڈالر نا بھاز اہمیت ءِ، ہموگام گیج آتیان پاناد کننگے ہرافتے ٹی قومی خزانہ ءِ نسخان مننگ کیک۔
