خاران۔ 22 نومبر (اے پی پی) کمشنر رخشان ڈویژن شاہ عرفان احمد غرشین پارینے کہ حکومت پولیو نا توننگ کن پبی گام گیج کننگ اٹی ءِ، پوسکن آ چین انا زند ءِ رکھ کننگ کن پولیو نا چٹفنگ المی ءِ۔ داخیال آتا درشانی ءِ او ڈویژنل ٹاسک فورس انسداد پولیو دیوان آن تران کرسا کرے۔ اوپارے کہ غٹ ڈپٹی کمشنر زاسسٹنٹ کمشنرز و ڈی ایچ اوز انسداد پولیو مہم اٹی یوسی کہول آٹیم تا کارکڑد ءِ مانیٹر کیر، ہرایوسی ٹی ٹیمک تینا ٹارگٹ اٹی بے سہب مسر تو تعلقدار یوسی ایم اوز تون اوار ڈی ایچ او زموار مریک ڈیوالئی ٹی محکمانہ کارروائی کننگک، دیوان اٹی ایڈیشنل کمشنررخشان بادل دشتی، ڈائریکٹر ہیلتھ سروسز رخشان ڈویژن ڈاکٹر فرید احمد سمالانی، ایریاکوآرڈی نیٹر ڈبلیو ایچ او رخشان ڈویژن ڈاکٹر جمیل رند، ڈپٹی کمشنر خاران منیر احمد سومرو، ڈپٹی کمشنر نوشکی حبیب اللہ موسیٰ خیل، ڈپٹی کمشنر چاغی طفیل بلوچ، ڈسٹرکٹ ہیلتھ آفیسر خاران ڈاکٹر عبدالمالک بلوچ، ڈی ایچ او واشک ڈاکٹر چاکرانور بلوچ ، ڈی ایس ایم پی پی ایچ آئی خاران سہیل اسلام بلوچ، ڈی ایس پی خاران داد الرحمان بلوچ، آئی ٹی آفیسر عبداللہ بلوچ فزیکلی دیوان اٹی بشخ ہلکر وخت اس کہ واشک نا ڈپٹی کمشنر تون اوار رخشان ڈویژن ضلع ایس پیز، ڈسٹرکٹ ہیلتھ آفیسر ، پی پی ایچ آئی ڈی ایس ایمز ویڈیولنک انا کمک اٹ دیوان اٹی بشخ ہلکر۔ دیوان اٹی ایریا کوآرڈی نیٹر ڈبلیو ایچ او رخشان ڈاکٹر جمیل رند پولیو نا مائیکرو پلان آخیریکو پولیو راؤنڈ و 27 نومبر 2023 آ بناکروک آ انسداد پولیو مہم نا ویل و گام گیج آتا بابت دیوان ءِ حوال ترساپارے کہ 27 نومبر آن یکم دسمبر اسکان پنچ دے ئی پولیو مہم اٹی 146248اسہ لکھ چِل ءُ شش ہزار دوسد ءُ چل ءُ ہشت مار و مسن تے پولیو آن بچفنگ نا رکھی پڑی کنفکگ۔ کمشنر پارے کہ انسداد پولیو مہم ءِ سرسہب کننگ کن علاقہ نا سیاسی راجی و مذہبی راہشون آتون اوار بلدیاتی نمائندہ صحافی سول سوسائٹی کڑد ادا کیر و خاص کر لمہ وباوہ غاتے مرے کہ او تینا پنچ سال اسکان نا چناتے پولیو آن بچفنگ نا پڑی ضرور کنفر۔
