اسلام آباد۔ 22 نومبر (اے پی پی) الیکشن کمیشن اٹی پاکستان تحریک انصاف نا سروک عمران احمد خان نیازی و ایلوفتا برخلاف الیکشن کمیشن نا توہین و چیف الیکشن کمشنر نا تضحیک نا کیس آتیا فرد جرم پگہ (پنچ شنبے) نادے آ بیٹ کننگک۔ الیکشن کمیشن نا کنڈآن جاری کروک کازلسٹ نا رداٹ الیکشن کمیشن اٹی عمران احمد خان نیازی، فواد چوہدری و اسد عمر نا برخلاف الیکشن کمیشن و چیف الیکشن کمشنر نا بارواٹی توہین آمیز و غیرپارلیمانی زبان ءِ کاریم اٹ اتنگ نا کیس انا سماعت مریک۔ الیکشن کمیشن تحریک انصاف نا سروک عمران خان نا پروڈکشن آرڈر جاری و پی ٹی آئی راہشون تے ذاتی حیثیت اٹ بٹنگانے۔ پی ٹی آئی راہشون تیا فرد جرم ہم بیٹ کروئی ءِ۔
