بیجنگ۔ 22 نومبر (اے پی پی) پاکستان نا وزارت آئی ٹی نا اسد محمد و ٹریڈ ڈویلپمنٹ اتھارٹی نا عاکف اللہ خان نا کماشی ٹی ہائی ٹیک ڈل شینزن سافٹ ویئر انڈسٹری ایسوسی ایشن نا دورہ ءِ کریروتین پہ تینی کمکاری آ سرجمی اٹ گپ وتران کریر۔ چینی میڈیا نا رپورٹ نا رداٹ چین نا اختراعی مرکز نا وڑاٹ پنی آ شینزین شار تدوک آ 40 سال آتیٹی انٹرنیٹ، انٹرنیٹ آف تھنگز و بگ ڈیٹا کون آ بشخ آتیٹی تکنیکی شونداری ٹی صف اول اٹ رہینگانے۔ شینزین سافٹ ویئر انڈسٹری ایسوسی ایشن نا سیکرٹری جنرل زینگ فی پارے شینزین شار انا شمار پوسکن آ ٹیکنالوجیز نا شونداری و اوفتااطلاق کروک آ اولی شار آتیٹی مریک و داڑے بھلو کچ اسے ٹی پوسکن آ ہائی ٹیک کمپنیک ساڑی ءُ۔ اومستی پارے کہ شینزین سافٹ ویئر انڈسٹری ایسوسی ایشن صنعت نا شونداری ءِ مون آ دننگ کن سنبرینگوک ءِ و ہائی ٹیک صنعت آتیٹی کمکاری نا پین وارخواہی پٹنگ کن پاکستان تون کمکاری ءِ ودفنگ نا خواہندار ءِ۔ پاکستانی ڈل کاروباری ادارہ و مصنوعات آتا معلومداری تا تبادلہ ءِ کننگ آن پد ٹیکنالوجی، مارکیٹ ، پالیسی و تین پہ تینی است خواہی نا ایلو امور تیا سرجمی اٹ گپ وتران کریر۔ داوخت آ آئی ٹی نا مون آ بروک صنعت نا بشخ بشمول مصنوعی ذہانت نا ایپلی کیشن ، سمارٹ سینسرز، سافٹ ویئرسروسزوذہین روبوٹکس اٹی چینی و پاکستانی ہائی ٹیک انٹرپرائزز نا نیام اٹ کمکاری ءِ اسیجائی وڑاٹ مون آ دننگ آ امنا کننگا۔
