خاران۔ 22 نومبر (اے پی پی) پاکستان پیپلزپارٹی نا ضلعی صدر میر شیرباز خان ساسولی نا کماشی ٹی 56 می یوم تاسیس کوئٹہ ٹی مروک آ لس جلسہ نا بابت جنرل باڈی دیوان اس اڈتننگا ہرانا مہمان خاص پاکستان پیپلزپارٹی نا مرکزی راہشون مسکوہی گورنر بلوچستان مسکوہی کور کمانڈر و مسکوہی بنجائی وزیر جنرل ریٹائرڈ عبدالقادر بلوچ، مرکزی راہشون چیئرمین میونسپل کمیٹی خاران میرنورالدین نوشیروانی،مرکزی راہشون میر محمد اکرم راسکوئی ئسک ئسر، وخت اس کہ جنرل باڈی دیوان نا کارروائی ضلعی جنرل سیکرٹری ڈاکٹر مبارک علی بادینی چلیفے، لس جلسہ نا بابت چنندی ایجنٹ آتیا جنرل (ر) عبدالقادر بلوچ، میر نورالدین نوشیروانی، میر محمد اکرم راسکوئی، میر محمد اعظم ریکی و ایلوفک تینا خیال آتا درشانی ءِ کریر۔ داوخت آ جنرل ریٹائرڈ عبدالقادر بلوچ تینا تران اٹی پارے کہ پاکستان پیپلزپارٹی عام الس نا پارٹی ءِ ، شہید آتا پارٹی ءِپاکستان پیپلزپارٹی نا بانی جناب شہید ذوالفقار علی بھٹو آن ہلیس شہید گودی بینظیر بھٹو اسکان نا تاریخ نا موازنہ ءِ کننگے تو ننے سماتمک کہ دا پارٹی ملک و قوم اکن اخہ قربانی تسنے۔
