اسلام آباد۔21نومبر (اے پی پی): دری کارانی ادارکی وزیر جلیل عباس جیلانی ءَ ایوان بالا ءَ را حال داتگ کہ فارن مشن آنی سٹافءَرا پہ وہد پگار دیئگ بوہگ ءَ اِنت۔ سئے شمبے ءِ روچءَ ایوان بالا ءِ دیوانءَ جستء ُ پُرس ءِ وہدئَ سینیٹر سیف اللہ ابڑو ءِ جستءِ پسوءَ دری کارانی ادارکی وزیر جلیل عباس جیلانی ءَ گشتگ کہ جم کتگیں آڈٹ پیراءِ تہا 285 ملین کلدارءِ تہا 93 ملین دری کارانی وزارت ءِ ہوالگءَ بوتگ اَنت کہ اے ریکوری کنگ بوتگ اَنت، آڈٹ اعتراضات ءِ بزانت کرپشن نااِنت، ایشی ءِ تہا ملازم ء ُ افسرآنی علاج ءِ ہوالگءَ لھتیں کاگد جم کنگ نابوتگ۔ آئی ءَ گشتگ کہ افسرآں چہ بوہوکیں ریکوری کسانیں جیڑہ اِت، ایشانی تہا گیش کیس افسرء ُ سٹافءِ ہوالگءَ بنت کہ ایشانی تہا ٹیلی فون بل ء ُ ٹی ڈی اے ہوار بنت۔ دری کارانی وزیرءَ فارن مشنز سٹا ف ءِ پگارآنی دیراں دئیگءِ جستءِ پسوءَ گشتگ کہ لھتیں ماہ پیسر پیسہ آنی تہا کمی ءِ سوب ءَ پگارآنی دیئگءَ دیر بوتگ بلے نوں پگار پہ وہدءِ سرءَ دیئگ بوہگءَ اَنت۔
