راولپنڈی۔21نومبر (اے پی پی):پاک فوج سروک جنرل سید عاصم منیر ءَ گوشتگ کہ ایمنی ءِ وھد ءَ ایوک ءَ گواچن دوستی ءُ مشن ءِ رد ءَ ھیل کاری ءِ زامنی بوت کنت۔ آ سئے شمبے ءَ اسٹرائیک کور ءِ کور تک ءَ باز کسی ھیل کاری ایکسرسائز ءِ تر ءُ تاب ءِ موہ ءَ گشتانک کنگ ءَ ات۔ ایکسرسائز آنی مول ءُ مراد جنگ ءُ آپریشنل کار آنی تپاس کنگ انت۔ آئی ایس پی آر ءِ رد ءَ آرمی چیف ءَ نوکیں وی ٹی-4 ٹینک آنی آرمرڈ فارمیشن ءِ سروکی ءَ کتگیں چپ ُ چوٹیں ایکسرسائز آنی یک جوانیں بھر ءِ چارت۔ جنرل سید عاصم منیر ءَ ایکسرسائز آنی تہ ءَ بھر زوری کنوکیں اردی ورنا آں گوں گند ءُ نند کت ءُ آئی ءِ جوزگ، آناں پکو کنگ ءُ کزبی کار آناں ساڑات۔ آرمی چیف ءَ یکجائی بیم ءُ ھوپ آنی پسو دیگ ءِ واستہ جنگی تیاری ءُ دماگی ازمکاری آنی ارزشت ءَ را سہرا کت۔ آئی ءَ گوں ترندی ءَ مٹ بوھوکیں بیم ءُ دمگی جیڈھ گوما گر ءُچیلی ءِ واستہ جتا جتائیں وتاس آنی در جنگ ءِ ارزشت ءِ ھوالگ ءَ چمشانک دات۔
