رسالپور۔21نومبر (اے پی پی): ادارکی مزن وزیر انوارالحق کاکڑ ءَ گوشتگ کہ پاکستان ایمنی دوستیں ملک ات ءُ توامیں ملک ھاسیں رنگ ءَ وتی ھمساھگ آنی گوما دوستی ءُ یکوئی ءِ واھشت مند انت ، پاکستان ءِ سلاھ بندیں ارد اندرونی ءُ ڈنی جیڈھ آنی گوما گر ءُ چیل بوھگ ءِ ازمکاری ءَ دار ائیت۔ آ سئے شمبے ءَ ادا پی اے ایف اکیڈمی اصغر خان ءَ پاکستان ائیر فورس ءِ پاسنگ آؤٹ پریڈ ءَ گوں گشتانک دیان ءَ کت۔ مزن وزیر ءَ پاس آؤٹ بوھوکیں کیڈٹس ءَ را بیج جت۔ اے موہ ءَ مراگش ءَ گوں گشتانک دیان ءَ ادارکی مزن وزیر انوارالحق کاکڑ ءَ کالجز آف فلائنگ ٹریننگ و ایروناٹیکل انجینئرنگ ءِ کمبائن کورسز ءَ چہ گریجویٹ بوھوکیں کیڈٹس آناں مبارک بات دات ءُ گوشت کہ مرچی ءَ چہ پاک فضائیہ ءِ اپسرگ ءِ بستا ر ءَ شمبے کیریئر ءِ بنگیج بوھگ ءَ اِنت۔ شما ائیر فورس اکیڈمی ءَ چہ جوانیں ھیل کاری در جتگ ءُمن سرجمیں رنگ ءَ دل یکیم آں کہ وتی ھیل کاری ءِ بنیات ءَ سرجمیں واھشت ءُ جزم ءِ گوما آیوکیں باندات ءِ جیڈھ آں چہ در کپ ائیت۔ آئی ءَ گوشت کہ گریجوایشن پریڈ ءِ چار ءُ تپاسی کت گڈا سک باز گل ءُ شات بوت آں۔ آئی ءَ پاس آؤٹ بوھوکیں گریجوایٹس آناں مبارک بات دیان ءَ گوشتگ کہ آ پاک فضائیہ ءِ جوانیں روایات آنی منوک اَنت۔
