بلاول بھٹو زرداری نا دوست کھوکھر نا کزیت آ ہزڑخواہی نا درشان

کراچی۔ 20نومبر (اے پی پی) پاکستان پیپلزپارٹی نا چیئرمین بلاول بھٹو زرداری پارٹی نا سینئر کارندہ دوست کھوکھر نا کزیت آ ہڑزخواہی نا درشانی ءِ کرینے۔ بلاول ہاؤس نا میڈیا سیل انا کنڈآن جاری اعلامیہ نا رداٹ بلاول بھٹو زرداری ہڑزخواہی کلہو اٹی پدسلوک خاہوت تون ہڑزخواہی و ہمدردی نا درشانی ءِ کرے و اوفتے کن صبر وجمیل نا دعاکرے۔ بلاول بھٹو زرداری پارے کہ دوست کھوکھر ایماندار پارٹی سرکڑدہ غاتا مسہ نسل آتیان وفا نا رشتہ ءِ استوار تخا، او پارٹی سرکڑدہ و جیالہ غاتے مدام یات سلک۔ بلاول بھٹو زرداری پارےکہ ای دعاکیوہ، اللہ تعالیٰ دوست کھوکھر نا بخشش و اودےجنت الفردو س اٹ بڑزکو ہند اس عطاکے، امریکہ ٹی رہینگوک پاکستان پیپلزپارٹی نا سینئر کارندہ دوست کھوکھر تدوک آ دے کزیت کریسس۔