اسلام آباد۔ 20 نومبر (اے پی پی) اسپیکر قومی اسمبلی راجہ پرویز اشرف پارینے کہ چناک قوم انا آخبت ءُ ہرافتا آخبت ءِ جوڑ کننگ کن گچین تعلیم و تربیت المی ءِ، اسرائیلی فورس آتا کنڈآن فلسطینی چناتا کشت وخون مچ آ دنیا کن لمحہ فکریہ اسے، اقوام عالم فلسطینی چناتیا اسرائیلی ظلم ءِ توننگ کن کڑد ادا کے، چناتے جوری مشقت و ذہنی جونی استحصال آن بچفنگ کن پین گچین گام گیج کننگ نا گرج ءِ۔ چناتا جہانی دے انا وخت آ تینا کلہو اٹی او پارے کہ چناتا گچین تعلیم و تربیت و اوفتے فیصلہ سازی ٹی اوار کننگ المی ءِ۔ چناتا راجی آسودہی ءِ پک کننگ کن اولیکو وار پارلیمانی کاکس چائلڈ رائٹس ءِ جوڑ کننگا۔ ملک اسے نا راجی و اقتصادی شونداری و اونا چناتا راجی آسودہی نا نیام اٹ بھلو تعلق اسے۔ پاکستان نا 15 می قومی اسمبلی چناتا راجی آسودہی کن چندی گام گیج کرے۔ اسپیکر قومی اسمبلی پارے کہ پاکستانی پارلیمان اولیکو وار 18 سال آن کم وئی چناتیکن انٹرن شپ پروگرام نا بناءِ کرے۔ اوپارے کہ جہانی برادری نا فلسطینی و کشمیری چناتا برخلاف جنگی ڈوہ آ خاموشی گڑتی اسے۔
