کوئٹہ۔ 20 نومبر (اے پی پی) کوئٹہ نا علاقہ ہنہ بائی پاس آ نادرست سلہہ بند بندغ آک سم کاری کرسا اسہ پولیس کارندہ اسے شہید کریر و موقع واردات آن نرنگ اٹ سرسہب مسر۔ پولیس نار داٹ دوشنبے نا سہب اتون ہنہ بائی پاس آ نادرست  سلہہ بند بندغ آک اسہ پولیس کارندہ اسے شہید کریر۔ پولیس ءِ حوال ملنگ تون واقعہ نا جاگہ غا سرمرسا لاش ءِ سول ہسپتال آ گدریفیر ہراڑے اوفتا درستی راستی کانسٹیبل غلام مرتضیٰ نا پن اٹ مسنے ، پولیس نا رداٹ دا واقعہ اینو سہب انا کوئٹہ ہنہ بائی پاس آ ہمووخت آ پیش بس ہراتم پولیس کانسٹیبل غلام مرتضیٰ اُراغان زرغون آباد تھانہ نا کنڈآ موٹرسائیکل آ ڈیوٹی کننگ کن ہناکہ نادرست سلہہ بند بندغ آک سم کاری کریر ہرانا سوب آن پولیس کانسٹیبل غلام مرتضیٰ موقع غا شہید مس واقعہ نا نادرست دوبہ دار آک نرنگ اٹ سرسہب مسر وخت اس کہ پولیس واقعہ نا بابت جاست وپاست نا بناءِ کرینے۔

متعلقہ مضامینمصنف کی طرف سے مزید