لاہور۔ 20 نومبر (اے پی پی) لاہور ہائیکورٹ اینٹی کرپشن گوجرانوالہ ٹی شونداری ڈٹ آتیٹی کرپشن کیس اٹ مسکوہی پرنسپل سیکرٹری محمدخان بھٹی نا درخواستِ ضمانت آ سماعت بے پورو وکالت نا بنداو آ 28 نومبر اسکان پدبٹے۔ جسٹس ملک شہزاد احمد خان محمد خان بھٹی نا درخواست آ بنائی سماعت نا بناآ درخواست گزار محمد خان بھٹی نا کنڈآن پیش مروک آوکیل عامر سعید راں آ ناراضگی نا درشانی ءِ کرسا پیدوارکرے کہ نا وکالت نامہ غا دستخط اف نی وکالت نامہ غا بیدس دستخط آن امر ضمانت کیس اٹ پیش مننگ کیسہ۔ عدالت وکیل ءِ پورو وکالت نامہ اتون پیش مننگ نا پارت کرساسماعت ءِ 28 نومبرا سکان پدبٹے۔ عدالت نا روبرو درخواست اٹ موقف تینا کننگاکہ اینٹی کرپشن گوجرانوالہ شونداری ڈٹ آتیٹی کرپشن نا دروغ انا مقدمہ اس نوشتہ کرے۔ درخواست گزار نا برخلاف جاست وپاست اٹی ہچ ءُ گڑاس پک متو، بیرہ سیاسی بنداوتیا کیس جوڑ کرسا بیر ہلنگ نا شست کننگ انگ ءِ، خواست ءِ کہ عدالت ضمانت بعد از دزگیری ءِ منظورکرسا رہائی نا پرمان کے۔
