اسلام آباد۔20نومبر (اے پی پی):چیئرمین سینیٹ محمد صادق سنجرانی ءَ مالومداری ءَ تاں پجاری ءِ ھک مٹ ءُ بدلی بل 2023 سیادی داروکیں ادارکی کمیٹی ءَ را روان داتگ۔ دو شمبے ءَ ایوان ءِ بالا ءِ دیوان ءَ سینیٹر ڈاکٹر ز قاسہرو ردی تیمور ءَ تحریک پیش کت کہ مالومداری ءَ تاں رسائی ءِ ھک ایکٹ 2017 ءَ گیش مٹ ءُ بدلی ءِ بل ءَ تاں رسائی ءِ ھک مٹ ءُ بدلی بل 2023 پیش کنگ ءِ اجازت دیگ بہ بیت۔ اے موہ ءَ ھیال آنی درشانی ءَ کنان ءَ ادارکی بنجاھی وزیر برائے اھوالکاری ءُ شنگ کاری ءُ پارلیمانی کار مرتضیٰ سولنگی ءَ گوشتگ کہ کمیشن ءَ ھم سپارش کتگ کہ اگاں المی بوت گڈا ایکٹ ءَ مٹ ءُ بدلی ءِ شور ءُ مشور کنگ بیت۔ وزارت ءِ اھوالکاری ءُ شنگ کاری ءِ رایہ ایش انت کہ کجام ھم ایکٹ ءَ مٹ ءُ بدلی ءَ چہ بائی پاس کنگ بوت نہ کنت پدا ھم اے جیڈھ قائمہ کمیٹی ءَ را روان دیگ بیت ءُ آھودا چار ءُ تپاسی ءَ چہ پد ایوان ءَ آرگ بیت۔ ایوان ءَ تحریک ءِ منظوری دات
