بیجنگ۔ 19 نومبر (اے پی پی) چین نا صدر شی جن پنگ پارینے کہ پائیدار شونداری ساڑی جہانی ویل آتے ایسر کننگ کن سنہری کنجی اسے۔ چینی نشریاتی ادارہ نا رداٹ چینی صدر داخیال آتا درشانی ءِ سان فرانسسکو ٹی ایپک راہشون آتا غیررسمی ہیت وگپ و ورکنگ لنچ اٹی بشخ ہلسا کرے۔ اوداہیت آ زور شاغا کہ چین شونداری نا پوسکن آ تصور ءِ پورو وڑاٹ نافذ کرینے، زرگزران و راج اٹ اسہ جوان ءُ سوز و کم کاربن بدلی ءِ مون آ درینے۔ داکان بیدس انسانیت و فطرت نا ہم گرنچی آ تالان کرہ ارض نا تفنگ اٹ تینا کڑد ءِ برجاتخک۔ گرین بیلٹ اینڈ روڈ انیشی ایٹو ءِ مون آ دننگ کن چین گرین انفراسٹرکچر، گرین انرجی و گرین ٹرانسپورٹیشن اٹ کمکاری ءِ کڑمب کرسا کیک و پدتموک ملک آتے موسمیاتی بدلی آ سویل سویل کمکاری کن خصوصی فنڈ انا کمک اٹ اوفتا کاریم نا کچ ءِ ودفنگ اٹ کمک فراوان کیک۔ چین اسہ جہانی شونداری برادری و اسہ صاف و زیبا دنیاسے نا جوڑ کننگ اٹ زیات آن زیات کمکاری کننگ کن دنیا نا غٹ فریق آتون کاریم کننگ کن تیار ءِ۔
