مسلم لیگ (ن) نا سرکڑدہ غاتے بدترین سیاسی بیر انا شست کننگا، بے روزگاری و زرگزرانی بدحالی نا زموار 2018ء ٹی بروک آ حکومت ءِ، مریم اورنگزیب

لاہور۔ 19 نومبر (اے پی پی) مسلم لیگ (ن) نا مرکزی راہشون و مسکوہی بنجائی وزیر حوالکاری و شینکاری مریم اورنگزیب پارینے کہ مسلم لیگ (ن) نا سرکڑدہ غاتے بدترین سیاسی انتقام نا شست کننگا، بے روزگاری و زرگزرانی بدحالی نا زموار 2018ٹی بروک آحکومت ءِ، شریف خاہوت آ بے بنداو مقدمہ جوڑ کننگا، مسلم لیگ (ن) نا سرکڑدہ و کارندہ غاک غٹ دروغ انا مقدمہ غاتیٹی سرسہب مننگ ءُ۔ داخیال آتا درشانی ءِ او یک شنبے نادے آ داڑے ماڈل ٹاؤن پارٹی سیکرٹریٹ اٹی مسلم لیگ (ن) پنجاب نا ترجمان عظمیٰ بخاری تون اوار پریس کانفرنس آن تران کرسا کرے۔ مریم اورنگزیب پارے کہ ہراتم 2018 ٹی شونداری کروک پاکستان آ چیئرمین پی ٹی آئی ءِ ملک آ مسلط کننگا تو زرگزرانی شونداری نا پہیہ سلیس ہرانا بھرم ءِ اینو مچ آ قوم ءِ کنوئی تمنگ ءِ، شہباز شریف ءِ نیب انا عدالت اٹ ساف دیر کیس اٹ بٹنگسا آشیانہ ہاؤسنگ مقدمہ ٹی دزگیر کننگا ، اودے بٹنگ انگا پین مقدمہ سے ٹی دزگیر پین کیس اسے ٹی کننگا۔ ہندا وڑ احد چیمہ ءِ ہم پنجاب نا الس ءِ ریلیف تننگ اٹ شہباز شریف نا ویژن ءِ پورو کننگ نا ڈوہ اٹی دزگیرکننگا۔ اوپارے کہ عدالتی فیصلہ غان شہبا زشریف و احد چیمہ دا دروغ انا مقدمہ غاتیان اللہ نا فضل اٹ سرسہب مسنو۔ اوپارے کہ مسلم لیگ (ن) ناسرکڑدہ غاتا برخلاف منی لانڈرنگ وکرپشن نا دروغ انا کیس جوڑ کننگا ہراٹی نیب اسہ روپئی اسے نا ہم ریکوری کتو،ہراتم پاکستان اٹ کرپشن اس ثابت متو تو برطانیہ نا نیشنل کرائم ایجنسی (این سی اے) ٹی ہنا ہموڑے ہم چیئرمین پی ٹی آئی ءِ بوز اٹ کنوئی تما وبرطانیہ نا این سی اے مسلم لیگ (ن) نا سرکڑدہ غاتے کلین چٹ تس۔ مریم اورنگزیب پارے کہ وزیراعظم ہاؤس اٹ تولسا ہرامخلوق ءِ بے شرف کریکہ و ایلوفتا برخلاف دروغ انا مقدمہ جوڑ کریکہ اینو او مونک ہرانگیاٹی ءُ، نیب ءِ کاریم اٹ اتسا شریف خاہوت و مسلم لیگ (ن) نا کارندہ غاتا اُراتیا چھاپہ خلفنگا ، پی ٹی آئی دور اٹ شہزا دکابر مسلم لیگ (ن) نا کارندہ غاتا اُراتیا جلہو کرفے، اوفتے بے سوب تنگ کننگا، اینو او ہراڑے تولوک ءِ۔ اوپارے کہ تدوک آ حکومت اٹ سرکاری خزانہ ءِ ارب آتا نسخان تننگا، پاننگاکہ احدچیمہ فرنٹ مین تخا، پاننگاکہ کمپنی تیٹی کرپشن مس، اوکرپشن ہرانگ ہنا؟، سعد رفیق نا کیس اٹ سپریم کورٹ تینٹ پارے کہ دروغ انا مقدمہ ءُ، ہرادروغ انا معلومداری تسرہ اینوہموفک ہرانگیاٹی ءُ؟ مسکوہی بنجائی وزیر نا پاننگ ئس کہ کنا کیس دہشت گردی نا عدالت اٹ چلینگ انگ ءِ، اینوہم نن تینا مقدمہ غاتا پیشی تتون مون تننگ اُن۔