اسلام آباد۔ 19 نومبر (اے پی پی) وزیراعظم نا نمائندہ خصوصی مذہبی ہم آہنگی و دے ٹکی نیامی و اسلامی ملک آتیٹی رہینگوک پاکستانی پردیسی حافظ محمد طاہر محمود اشرفی پارینے کہ پاکستان نئے بیر ہ اوغانستان اٹی امن ءِ اولیت ایتک بلکن تینا سیم تیاامن ءِ برقرار تخنگ ءِ ہم اسہ وڑاہمیت ایتک۔ یک شنبے نادے آاواے پی پی تون خصوصی گپ وتران کرسا وطن اٹی امن ءِ بحال کننگ کن غیرکانودی اوغان تے کشنگ نا پداٹ مسخت ءِ مون آ تخا و اومیت ظاہرکرے کہ رجسٹرڈ اوغان باہوٹ و اوغان حکومت داکوشست اٹی پاکستانی حکومت تون کمک کیک۔ طاہر محمود اشرفی ہرا پاکستان علماء کونسل نا چیئرمین ہم ارے پارے کہ آرمی چیف تون اوڑدہی ٹی غٹ مکتبہ فکر انا عالم دینک پاکستان نا بابت باندات آتیا پور کمکاری نا باوری کرفینو و پیدوار وڑاٹ ریاستی ادارہ غاتیان بیدس ایلو گروہ تا کنڈآن ہروڑنا مسلح جہد ءِ حرام گوندسا ریاست ءِ تینا غیرمتزلزل مخ تفی نا باوری کرفینو۔ اوپارے کہ پاکستان غزہ نا حالیت آتیا گچین وڑاٹ ایسر کننگ کن سعودی عرب تون سنگت ملک آتون سرگرم ءِ، اومستی پارے کہ پاکستان نئے بیرہ فلسطین کن تینا کمکاری ءِ ودفینے بلکن کمکاری ٹی پین ودکی آہم سجفنگ ءِ۔ اوپیدوار کرے کہ آرمی چیف نئے بیرہ غٹ عالم دین تے ساڑی حالیت آتیان معلومدار کرے بلکن اوفتیان ہر اسٹ نا اَرفے و جندی وڑاٹ ہم اوڑدہی کرے۔
