اسلام آباد۔ 18 نومبر (اے پی پی) اسپیکر قومی اسمبلی راجہ پرویز اشرف مسکوہی اسپیکر قومی اسمبلی و مسکوہی وزیرخارجہ گوہر ایوب نا کزیت آ ڈکھیائی و است ہسونی نا درشانی ءِ کرینے۔ اسپیکر مسکوہی بنجا ئی وزیر عمر ایوب نا پن تینا ہڑزخواہی کلہو اٹی اونا باوہ نا کزیت آ ہڑزخواہی کرسا ڈکھیائی و است ہسونی نا درشانی ءِ کرے۔ اومسکوہی اسپیکر قومی اسمبلی ایماندار گوہر ایوب نا سیاسی و راجی خذمت آتے خراج تحسین پیش کرے۔ اوپارے کہ ایماندار اسہ جوان ءُ شہرت نا حامل مخلص و زیرک سیاستدان اس ئس، اونا ملک و قوم اکن خذمت ستاکڑزک۔ اوایماندار نا کزیت ءِ ملک اکن ناقابل تلافی نسخان گوندسا پارینے کہ ایماندار نا سیاسی و راجی خذمت آتے تادیر یات تخنگک۔ اسپیکر ایماندار نا مار عمرایوب و اونا خاہوت ناایلو بندغ آتون ہڑزخواہی نا درشانی ءِ کرسا پارے کہ او غم و ڈکھیائی نا داساہت اٹی پدسلوک خاہوت نا غم اٹی بریبر نا شریک ءِ۔ اسپیکر اللہ تعالیٰ آن ایماندار نا درجہ غاتا بڑزی و پدسلوک خاہوت ءِ دا بے بدل نسخان ءِ سگنگ کن صبر وجمیل عطا کننگ نا دعاکرے۔
