پاکستان بیلجیئم تون چندی بشخ آتیٹی کمکاری ءِ مون آ دننگ نا خواہندار ءِ، نگران بنجائی وزیر نجکاری فواد حسن فواد

اسلام آباد۔ 18 نومبر (اے پی پی) نگران بنجائی وزیر نجکاری فواد حسن فواد پارینے کہ پاکستان و بیلجیئم نا نیام اٹ خڑکی، دوستانہ و واپاری رابطہ جوڑ ءِ، 2013 آن پد داتم اسکان بیلجیئم ءِ پاکستانی برآمد آتیٹی 92 درسد نا ودکی مسنے۔ ہفتہ نادے آ داڑے جاری بیان نارداٹ اوداہیت ءِ بیلجیئم نا کنگزڈے انا دود اٹی مہمان خاص نا وڑاٹ بشخ ہلنگ نا وخت آپارے۔ بنجائی وزیر پاکستان اٹ بیلجیئم نا سفیر چارلس ڈیلون تون اوار کیک ءِ کاٹ کرے۔ داوخت آ گپ وتران کرسا نگران وزیر نجکاری پارے کہ پاکستان بیلجیئم تون تینا تعلقداری تے بھاز اہمیت ایتک۔ بیلجیئم یورپی یونین نا اہم ملک ءِ۔ اوپارے کہ ہڑتوم آ ملک آتا نیام اٹ خڑکی دوستانہ ، واپاری و برادرانہ تعلقداری جوڑ ءِ ۔ اوپارے کہ 2013 ٹی جی ایس پی سٹیٹس ملنگ آن پد بیلجیئم ءِ پاکستانی برآمد آتیٹی 92 درسد نا ودکی مسنے ہرا ہڑتوم آ ملک آتا نیام اٹ سوگو واپاری رابطہ غاتا ڈیک ءِ تننگ ءِ۔ اوپارے کہ پاکستان بیلجیئم تون چندی بشخ آتیٹی کمکاری ءِ مون آ دننگ نا خواہندار ءِ۔اوداوخت آ بیلجیئم نا حکومت و الس کن نیک است خواہی نا درشانی ءِ ہم کرے۔