لاہور۔ 18 نومبر (اے پی پی) پاکستان مسلم لیگ (ن) نا قائد نواز شریف تون ہفتہ نادے آ امریکی سفیر ڈونلڈ بلوم جاتی امراٹی اوڑدہی کرے۔ اوڑدہی ٹی ہڑتوم آ راہشونک پاکستان ناسیاسی و زرگزرانی حالیت و لس گچین کاری تا تیاری تا بابت گپ وتران آن بیدس پاکستان و امریکہ نا نیام اٹ ہڑتوم آ کنڈآتا تعلقداری و چندی بشخ آتیٹی کمکاری آ گپ وتران ہم کننگا۔ داوخت آنواز شریف پاکستان و امریکہ نا نیام اٹ تعلقداری تا اہمیت آ زور شاغا۔ ترجمان مسلم لیگ (ن) نا رداٹ نواز شریف چندی امریکی راہشون آتون تینا اوڑدہی تا حوالہ ءِ ترسا پارے کہ غٹ امریکی راہشون پاکستان و امریکہ نا نیام اٹ تعلقداری تا اہمیت ءِ امنا کیرہ۔ اوپت انا درشانی ءِ کرے کہ ملک ءِ مون تروک لاتعداد ویل و تنکی تیان کشنگ اٹ پاکستان نا الس اسہ وارولدا مسلم لیگ (ن) ءِ قائدانہ کڑد ترسا تینا پبی پت ءِ کیک۔ راہشونک اوڑدہی ٹی ہڑتوم آملک آتا نیام اٹ پکا و سوگو شریداری نا اہمیت نا اعتراف ءِ کریر۔
