اسلام آباد۔ 17 نومبر(اے پی پی) نگران بنجائی وزیر قومی جان جوڑی ڈاکٹر ندیم جان پارینے کہ کینیا تون جان جوڑی نا بشک اٹی کمکاری نا معاہدہ غان ہڑتوم آملک آتا نیام اٹ فارما، لیبارٹری ومیڈیکل ٹورازم ءِ مون آ دننگ ملک۔ داخیال آتا درشانی ءِ او کینیا نا سفیر تون گپ وتران کرسا کرے ہرا جمعہ نادے آ داڑے اوڑتون اوڑدہی کرے۔ اوپارے کہ ایم او یو جان جوڑی نا نظام ءِ سوگو کننگ و ایمرجنسی رسپانس تون فارما ، لیبارٹری و میڈیکل ٹورازم ءِ مون آ دننگ ملک۔ وزیر جان جوڑی کینیانا سفیر ءِ گلوبل ہیلتھ سمٹ اٹ بشخ ہلنگ نا ہم سلہ خلک۔ پاکستان اولیکو گلوبل ہیلتھ سمٹ انا مہمانداری ءِ کننگ ءِ۔ دا سمٹ مچ آ دنیا غان جان جوڑی نا بڑزکو راہشون، کمامدار و تکنیکی چاہندارآتے یکجاکیک۔ کینیا ناسفیر گلوبل ہیلتھ سیکورٹی سمٹ اکن کروک آ گام گیج آتا ستا ءِ کرے۔ اوپارے کہ طب انا بشخ اٹی ہڑتوم آ ملک آک اسہ ایلو نا آزموندہ غاتا ہل و تس آن فائدہ ہرفرہ۔
