کوئٹہ۔ 17 نومبر (اے پی پی)مسلم لیگ (ن) نا صوبائی راہشون صلاح الدین کبزئی مسکوہی وزیراعلیٰ بلوچستان جام کمال خان ، ثوبیہ کرن کبزئی و ایلو راہشون تے مسلم لیگ (ن) اٹ اوار مننگ آمبارکبادی ترسا پارینے کہ اوفتا شمولیت آن بلوچستان اٹ مسلم لیگ (ن) پین فعال و منظم مریک و بروک آ گچین کاری تیٹی پارٹی بھلو گیشتری اسے اٹ سرسہبی دوئی کیک۔ داڑے جاری مروک اسہ بیان اسے ٹی صلاح الدین کبزئی پارے کہ مسلم لیگ (ن) بلوچستان نا صدر شیخ جعفر خان مندوخیل نا کوشست آتیان مسکوہی وزیراعلیٰ بلوچستان جام کمال خان ، مسکوئی صوبائی وزیر ثوبیہ کرن کبزئی، سردار عبدالرحمان کھیتران ، سردار مسعود لونی، سردار فتح محمد محمد حسنی تون اوار ایلو سیاسی و قبائلی سرکڑدہ غاتا پاکستان مسلم لیگ (ن) اٹی اوار مننگ آ اوفتے مبارکبادی پیش کینہ اوفتا اوار مننگ آن بلوچستان اٹی 8 فروری آ مروک آ گچین کاری تیٹی پاکستان مسلم لیگ (ن) بھلو گیشتری اسے اٹ سرسہبی دوئی کیک ۔ اوپارے کہ مسلم لیگ (ن) مدام الس نا بے رنگ و نسل خذمت ءِ کرینے و انشاء اللہ بروک آ گچین کاری تیٹی سرسہبی آن پد دُوارہ اقتدار اٹ برسا الس نا خذمت ءِ پک کیک۔
