کوئٹہ۔ 17 نومبر (اے پی پی) چیئرمین اسٹینڈنگ کمیٹی پیٹرولیم و ریسورسز و سیاسی و اقتصادی امور نا ماہر سینیٹر محمد عبدالقادر پارینے کہ چینی صدر شی جن پنگ تاریخی دورہ غا امریکی صدر تون اوڑدہی کن امریکہ غا سرمسنے ، چینی صدر سان فرانسسکو ٹی 30 می ایشیاپیسفک اکنامک کانفرنس اٹی بشخ ہلیک ، چینی صدر شی جن پنگ نا دورہ ءِ امریکہ جہانی جھیڑہ غاتا ایسر و اقتصادی شونداری ٹی چین نا کڑد انا بابت اہمیت تخک۔ داڑے جاری مروک اسہ بیان اسے ٹی سینیٹر محمد عبدالقادر پارے کہ اوڑدہی ٹی چین و امریکہ تعلقداری تیا گپ وتران کننگک سان فرانسسکو جہانی بالی پٹ آ کیلفورنیانا گورنر گیون نیوسم، امریکی وزیرخزانہ جینٹ یلین و ایلو امریکی نمائندہ غاک چینی صدر ءِ بخیرکریر چینی صدر نا دا دورہ ءِ امریکہ بے کچ اہمیت تخک دا دورہ ہمووخت آ مننگ ءِ ہراتم جہانی منظرنامہ بے کچ پیچیدہ و گھمبیر حالیت اس اختیار کرینے۔ اوپارے کہ چین و امریکہ تین پہ تینی تعلقداری داوخت آ اسہ اہم ءُ موڑاسے آٹی ءُ ہڑتوم آ واکدار آتا نیام اٹ سیاسی کشمکش اسہ پوسکن ءُ رخ اس اختیار کرسا ہِننگ ءِ امریکہ چین تائیوان ایشیو ءِ بے سوب تہو تننگ آ مصر ءِ وخت اس کہ پاکستان ون چائنا پالیسی نا علمبردار ءِ دے ٹک نیامی نا حالیت مچ آ دنیا ءِ سرفینے فلسطین اٹ ودوک آ اسرائیلی جارحیت و بربریت نا پد اٹ امریکہ سلوک نظر بریک۔ چیئرمین قائمہ کمیٹی پارے کہ چین انا مون آ بروک آ زرگزرانی طاقت امریکہ کن نزع نا سوب جوڑ مسنے امریکہ چین نا ودوک آ اقتصادی اثرورسوخ آن فریشان ءِ داسہ وخت اس کہ چین جہانی جھیڑہ غاتے مذاکرات نا کمک اٹ ایسر کرفنگ اٹ سرسہبی اٹ تینے منفینے تو امریکہ چین نا دا رسوخ ءِ ہضم کپننگ ءِ چین نا پورو کوشست ءِ کہ وڑاناوڑاسے ٹی اسرائیل فلسطین جھیڑہ نا پرامن ایسر اس پٹنگے وخت اس کہ امریکہ دا جھیڑہ ٹی لگوک آ خاخر آ تیل شاغنگ آنبار نا کاریم ءِ کننگ ءِ ، چینی صدر نا دورہ ءِ امریکہ غا ایلو اقتصادی و سیاسی باندات آتیان بیدس اسرائیل نا کنڈآن فلسطین آ جلہو آتے تورفنگ نا بابت ہم گپ وترا ن مریک۔
