اسلام آباد۔ 17 نومبر (اے پی پی) ملک اٹی پیٹرولیم مصنوعات آتا درآمد آتیٹی برجامالی سال انا اولیکو 4 تُو اٹی سالانہ بنداوتیا 8 درسد نا کمتی ریکارڈ کننگانے۔ اوسی اے سی اوگرا وانڈسٹری نا حساب وکتاب نا رداٹ مالی سال انا اولیکو 4 تُو اٹی 7719000ٹن پیٹرولیم مصنوعات آتا درآمد ریکارڈ کننگانے ہرا تدوک آ مالی سال انا ہندا مد انا مقابلہ ٹی 8 درسد کم ءُ۔ تدوک آ مالی سال انا ہندا مد اٹی 8383000ٹن پیٹرولیم مصنوعات آتا درآمد ات کننگاسس۔ اکتوبر 2023اٹی 2083000ٹن پیٹرولیم مصنوعات آتا درآمد ریکارڈ کننگا ہرا تدوک آ سال اکتوبر نا مقابلہ ٹی اسہ درسد زیات ءِ۔ تدوک آ سال اکتوبر اٹی 2064000ٹن پیٹرولیم مصنوعات آتا درآمد ریکارڈ کننگا۔ ستمبر نا مقابلہ ٹی اکتوبر اٹی پیٹرولیم مصنوعات نادرآمد آتیا ماہانہ بنداوتیا 7 درسد نا نمومس۔ ستمبر اٹی 1955000 ٹن پیٹرولیم مصنوعات آتا درآمد ریکارڈ کننگا ہرا اکتوبر اٹی ودفسا 2064000 ٹن مس۔ حساب وکتاب نا رداٹ مالی سال انا اولیکو 4 تُو اٹی 421000 ٹن ہائی اسپیڈ ڈیزل نا درآمد ریکارڈ کننگا ہرا تدوک آ مالی سال انا ہند امد انامقابلہ ٹی 41 درسد کم ءُ۔ تدوک آ مالی سال انا ہندا مداٹی 718000 ٹن ہائی اسپیڈ ڈیزل نا درآمد ریکارڈ کننگاسس۔ مالی سال انااولیکو 4 تُو اٹی 2637000 ٹن خام تیل انا درآمد ریکارڈ کننگا ہرا تدوک آ مالی سال انا ہندا مد انا مقابلہ ٹی اسہ درسد اس زیات ءُ۔ تدوک آ مالی سال انا ہندا مد اٹی 2604000 ٹن خام تیل نا درآمد ریکارڈ کننگا۔ مالی سال انا اولیکو 4 تُو اٹی 2816000 ٹن ایل این جی نا درآمدریکارڈ کننگا ہرا تدوک آ مالی سال انا ہندا مد انا مقابلہ ٹی 8 درسد زیات ءُ۔ تدوک آ مالی سال انا ہندامد اٹی 2606000 ٹن ایل این جی نا درآمد ریکارڈ کننگاسس۔
